Lesja kommune

Program for dugnadsdagen på Lesja bygdemuseum i samband med at Kronprinsparet besøker Lesja den 17. september er no klart.  Det blir ein flott dugnadsdag på Bygdetunet, der Kronprinsparet tek del i sjølve dugnadsarbeidet. Denne dagen er det ynskjeleg at det blir flagga frå kvar ei flaggstong i kommunen.  Ta gjerne også med flagg til Bygdatunet! 

Her finn du informasjon om busstider og parkering i samband med arrangementet

I denne facebookposten skriv vi litt om Ulla Riise, som skal stå for kulturelt innslag under Kronprinsbesøket

Dugnad og frivillig arbeid er det vi kjem til å sette fokus på denne dagen:

Sjå tidlegare pressemelding her

Levande Lesja lyste i juli ut ei konkurranse om namn på den nye dagsturhytta ved Tussheim. For at namneforslaga skulle bli registrert, måtte forslagsstillar sende namneforslag og eige namn på sms til oppgjeve telefonnummer.

Engasjementet har vore stort og det kom inn totalt 45 namneforslag. Jury for å bestemme namnet var Maria Kampesæter Kleiven frå firmaet Trollbinde, Aslak Enstad frå Bjorli og Lesja Næringslag, Anne Evensen Torsgård frå Lesja bondelag, Jann Erik Dalum frå Lesja Fjellstyre og Erland Husom frå Nasjonalparkriket. Juryleiar Maria Kampesæter Kleiven seier at det er kjekt å sitja i ein jury når det har vore slik engasjement med mange forslag. Ho seier også at det var veldig bra at navneforslaga vart framlagt anonymt, slik at dei ikkje visste kven som hadde foreslått det forskjellige.

Juryen bestemte at namnet på den nye dagsturhytta skal vera TUSSHEIMBUE.

Grunngjeving frå juryen:

«Ein samla jury valde Tussheimbue som namn for den nye dagsturhytta. Å kombinere Tussheim-namnet med bue trur vi fører til at namnet blir brukt, samtidig som det forsterkar Tussheim-namnet. "Bue" er eit godt dialektomgrep som er brukt på bygg av liknande størrelse i fjellheimen.»

Den som sende inn forslag på Tussheimbue var Ingrid K Svelstad. Ho ynskjer å dele æra for namnet med andre. Det er eit namn som har vore diskutert i fleire fora. «Eg likte det og sendte derfor inn forslaget», seier ho.

Tussheimbue skal offisielt opnast laurdag 21. september samtidig med løpet «Tussheim Upp» som arrangerast av Lesja idrettslag.

Som kjent får Lesja kommune besøk av Hans Kongelige Høyhet Kronprinsen og Hennes Kongelige Høyhet Kronprinsessen den 17. september 2019, og planlegginga er godt i gang. 

Alle spelemiddelsøknadar må vere kommunen i hende innan 15.oktober 2019.

Idrettsfunksjonell førehandsgodkjenning avviklas, det gjer også vilkår om kommunal garanti. Det er også viktig å merke seg avsnittet med  tilleggsendringane.