- Unngå planlaus utbygging som ikkje dekker lokale behov på kort og lengre sikt
- Unngå planlaus utbygging for å redusere samfunnsøkonomiske og miljømessige kostnadar
- Gi kommunen/utbyggarane forutsigbarheit for framføring og kostnadar
- Sikre lik praksis for framføring av breiband i alle grender
- Redusert risiko og sårbarheit i netta
- Stimulere til legging av breiband i nye utbyggingsområde (til dømes ved å legge kostnaden for breibandsutbygging inn som ein del av nye utbyggingsavtaler)
Kommunal planlegging
Først og fremst er det viktig at kommunen engasjerer seg i koordinert planlegging og utbygging av framføringsvegar for å sikre lokalsamfunnet sine interesser. Dette gjeld uavhengig av om utbygginga skjer i regi av marknaden, av kommunen sjølv eller gjennom eit samarbeid mellom næringsliv og kommune.
Det er viktig å understreke at regionalt samarbeid mellom kommunar, slik som i RegionData/Nord-Gudbrandsdal, er ein måte å få fart på tilrettelegginga for breiband.
Dette vil vi fortsette med fordi vi då kan:
- Spare utgifter til eksterne konsulentar og vedlikehald
- Samarbeide om utbygging og anbod
- Fleire brukarar samla i regionen:
- Blir meir interessant for kommersielle utbyggarar
- Aukar kommunen si etterspørselskraft overfor utbyggarane
- Kan oppnå lavare kostnadar
Arealplanlegging
Etter plan- og bygningslova har kommunane plikt til å planlegge infrastruktur som veg, vatn og avlaup. Dersom breibandsnett skal reknast på lik linje som annan infrastruktur, bør også framføring av breiband inn i kommunale planar. Lesja vil forsøke å ta hensyn til behov for framføring av breiband i sine planar for arealbruk og næringsutvikling.