Tenesta skal stimulere og leggje til rette for skogbruksnæringa slik at alle skogeigarar får rettleiing og service til aktiv forvaltning av sin skogeigedom. Det er vidare ei prioritert oppgåve å arbeide for næringsutvikling i skogbruket, her under verdiskaping med lokal omsetjing av tømmer til ulike skurkvalitetar og biobrensel. På regionnivå i Nord-Gudbrandsdalen er det eit felles mål å auke aktiviteten i skogen med meir hogst opp mot berekraftig skogbruk, samt auke skogkulturaktiviteten med fokus på forynging og stell av yngre skog.

Kommunen er det offentlege forvaltningsorganet som skogeigaren skal kontakte for å ordne saker som til dømes tilskottsforvaltning, frådeling av skogareal,  bygging av skogsvegar og løyve til hogst i vernskog.