På slutten av 1850-talet starta arbeidet med å tappe ut Lesjavatnet. Hensikta var å vinne inn nytt jordbruksland. Arbeidet pågjekk i fleire år, men det det viste seg etterkvart vanskeleg å få til plantevekst på den gamle sjøbotnen. Sedimenta var næringsfattige og det nyvunne arealet vart hyppig utsett for flomskader. Sterk uttørking, vinderosjon og sandflukt utover seinsommaren og hausten gjorde også sitt til at heile prosjektet vart
karakterisert som misslykka. Eit rikt fiske gjekk tapt, og fleire grunneigarar fekk erstatning etter rettsleg prosess.Vinderosjon, sandflukt og dårleg vegetering prega landskapet langt utover på 1900-talet. På slutten av 1970 talet var tida moden for å planleggje og setja i verk nye omfattande tiltak for å betre utnyttinga av arealressursen. Hensikta var den same som ved uttappinga, men nå med omfattande flomverk mot elva og senking av grunnvatnet ved avskjæringskanalar
mot liskråninga og utløpskanalar. I tillegg vart det bygd driftsvegar på forbyggingane og nye bruer over Lågen som effektiviserte drift og arealbruk heilt fundamentalt. Tiltaka på Lesja-leire kom i stand som eit samarbeidsprosjekt mellom LD/LUF, NVE og Lesja kommune. Kommunen garanterte for dekning av distriktsandelen på 25 % og grunneigarane forplikta seg til framtidig vedlikehald. Dette er ivareteke gjennom Lesja-leira grunneigarlag. Anleggs- og byggetiltaka på leira
førte til ei omfattande jorddyrking innanfor området, og mange gardar vart utbygd med basis i nytt produksjonspotensial. Av ca 8000 dekar flomsikra areal på Lesjaleira er det til nå dyrka ca 6000 dekar. Prosjektet ga bygda og kommunen eit sysselsettingsmessig og økonomisk lyft av stor betydning.I dag framstår leira som eit variert og vakkert kulturlandskap der veksling mellom vatn og vassvegar, kulturjord, lebelter og randsoner har gjeve grobotn for eit rikt fugle- og dyreliv.
Eit pågåande prosjekt i samarbeid med Bioforsk har til hensikt å bevare, vidareutvikle og tilrettelegge for synleggjering av det biologiske mangfaldet som har utvikla seg på Lesjaleira dei siste tredve åra.