Fellingsløyve er gjeve til kommunen/kommunalt oppnemnd fellingslag.
Kommunen har i samarbeid med våre fellingslagsleiarar aktivert tilsaman 10 medlemmer av fellingslaga som skal aksjonere etter nærare instruksjon og arbeidsplan som lagsleiinga legg opp dag for dag.
Lesja kommune har arbeidsgjevaransvar for fellingslaget medan aksjonen pågår. Med bakgrunn i at fellingsforsøk på bjørn ikkje er ufarleg, legg kommunen til grunn at sikkerheit skal prioriterast så høgt som mogleg. Det betyr at vi kun nyttar det mest skolerte mannskapet vårt i denne aksjonen.
Søk etter bjørn, og eventuelt felling, er i utgangspunktet svært krevjande. Det er viktig å koma på ferske spor med ein hund som sporar. Det er to hundar i Lesja som i forsøk/kurs har vist lovande resultat i så måte, og som er i beredskap dersom nye observasjonar blir gjort.
Kommunen anmodar om at folk straks kontaktar kommunen eller fellingslagsleiarane dersom det blir funne sporteikn etter bjørnen, ferske kadaver eller faktisk synsobservasjon.
Aktuelle telefonnummer er:
Odd Dalum: 416 26 369
Hallvard Doseth: 997 36 265
Lesja kommune: 612 44100
Mobil: Stein Grevrusten 47 23 28 18 eller Jørn Botheim 91 10 24 88